قەندیل پرێس
دوای دوورخستنەوەی پارتی ژیانی ئازادی کوردستان لە “کۆنگرەی ئازادی ئێران” پژاک لە بەشێک لە ڕاگەیێندراوێکی فەرمیدا ڕایگەیاند: «بەپێی زانیارییانەی دەستمان گەیشتووە حیزبی دێموکراتی کوردستانی ئێران و کۆمەڵەی کوردستانی ئێران لە پرۆسەی دوورخستنەوەی پژاک لە “کۆنگرەی ئازادیی ئێران” ڕۆڵیان هەبوو…».
دواتر زاگرۆس ئەندەریاری بەرپرسی پەیوەندییەکانی دەرەوەی پژاک لە ئەورووپا ڕایگەیاند: «گومانمان لە دوو لایەنە کوردییەکە نییە».
دواتر، ڕیوار ئاودانان ئەندامی ڕێبەریی و وتەبێژیی پژاک، وەک کاردانەوەیەک بەرانبەر بە قسەکانی زاگرۆس ئەندەریاری، لە تۆڕیی کۆمەڵایەتی ئیکس ڕایگەیاند: «جگە لە راگەیەندراوی فەرمی پژاک هەر سەرنجێکیتر کە وەک تێڕوانینی پژاک بخرێتەڕوو، لەلایەن پارتی ئێمەوە بە نافەرمی دادەنرێت. هەر ڕوونکردنەوە و زانیارییەکی پێویست لە لایەن وتەبێژی پارتیمانەوە دەدرێت».
سەرەڕای دوورخستنەوەی پژاک لە کۆنگرەی ئازادی ئێران، حیزبی کۆمەڵەی کوردستانی ئێران و حیزبی دێموکراتی کوردستانی ئێران بەردەوامن لە بەشداریان لەم کۆنگرەیە.
ئەم کۆنگرەیە بڕیارە لە ڕۆژانی 28 و 29ی 3ی 2026 لە شاری لەندەن کۆڕبەندێکی دوو ڕۆژە سەبارەت بە داهاتووی ئێران بەڕێوە ببات.
