قەندیل پرێس
قەندیل پرێس- عاموودا
لە شاری عاموودا لە ڕۆژئاوای کوردستان، خۆپیشاندانێکی بەرفراوان بۆ پشتگیریکردن و دەربڕینی هاوسۆزی لەگەڵ باشووری کوردستان بەڕێوەچوو.
خۆپیشاندەران بە بەرزکردنەوەی چەندین دروشمی نەتەوەیی، توندوتیژی و ئەو هێرشانەیان شەرمەزار کرد کە دەکرێنە سەر هەرێمی کوردستان و جەختیان لە گرنگیی یەکڕیزیی ماڵی کورد کردەوە لەم قۆناغە هەستیارەدا.
بەشداربووان دووپاتیان کردەوە کە پاراستنی دەستکەوتەکانی باشووری کوردستان ئەرکێکی نەتەوەییە و پێویستە گەلی کورد لە هەموو پارچەکان پشتیوانی یەکتری بن. شایەنی باسە ئەم جوڵە جەماوەرییەی عاموودا لە چوارچێوەی ئەو شەپۆلە ناڕەزایەتی و هاوسۆزییەدایە کە ناوچە جیاجیاکانی ڕۆژئاوای کوردستانی گرتووەتەوە.
