Hevdîtina Şandeya Îmraliyê û Erdogan dest pê kir

Hevdîtina di navbera Şandeya Îmraliyê ya DEM Partiyê û Serokkomar Tirkiyê Tayyîp Erdogan de dest pê kir.

Hevdîtina di navbera endamên Şandeya Îmraliyê ya Partiya Wekhevî û Demokrasiyê ya Gelan (DEM Partî) Pervîn Buldan û Sirri Sureyya Onder û Serokê Giştî yê AKP’ê û Serokkomar Tayyîp Erdogan de dest pê kir.

Hevdîtin, li Kulliyeya Serokkomartiyê tê lidarxistin.

Geşedanên piştî “Banga Aştî û Civaka Demokratîk” a Rêber Abdullah Ocalan qewimîn yek ji mijara sereke ya hevdîtinê ye.

Endamên şandeyê, di daxuyaniya beriya hevdîtinê de anîn ziman ku dê di hevdîtinê de her du alî nêrîn û pêşniyarên xwe parve bikin.