Qendîlprêss
Serokê Herêma Kurdistanê û Fermandarê Giştî yê HSDyê li Hewlêrê ji bo guftûgokirina rewşa Rojavayê Kurdistanê û pêşketinên dawî yên siyasî û leşkerî yên li Sûriyeyê civiyan.
Pêşwazîkirina Fermandarê Giştî yê HSDyê
Serokê Herêma Kurdisstanê Nêçîrvan Barzanî îro li Hewlêrê pêşwaziya Fermandarê Giştî yê Hêzên Sûriyeya Demokratîk (HSD) Mezlûm Ebdî kir. Civîn beşek ji hewldanên ji bo nîqaşkirina guhertinên li herêmê û dîtina rêbazên guncaw ji bo parastina aramiyê bû.
Rewşa Rojavayê Kurdistanê û Sûriyeyê nîqaş kirin
Serokê Herêma Kurdistanê Nêçîrvan Barzanî û Fermandarê Giştî yê HSDyê rewşa heyî ya Rojavayê Kurdistanê û Sûriyeyê nîqaş kirin. Her du alî li ser girîngiya berdewamiya agirbestê li hev kirin û tekez kirin ku parastina aştiyê li herêmê ji bo pêşîgirtina li xirabûna rewşa mirovî û ewlehiyê pir girîng e.
Berdewamiya hevdîtinên di navbera Hewlêr û HSDyê de
Nêçîrvan Barzanî û Mezlûm Ebdî 22yê Çileya îsal bi heman awayî civiyabûn. Di civînê de girîngiya diyalog û parastina agirbestê hate tekez kirin.
