Qendîlprêss
Konsulê Îtalyayê li Herêma Kurdistana Tommaso Sansone pêşwazî li Fermandarê Giştî yê Hêzên Sûriyeya Demokratîk Mezlûm Ebdî kir.
Sansone li ser hesabê fermî yê konsulxaneya welatê xwe li Hewlêrê li ser X û Instagramê peyamek weşand.
Di peyama xwe de Ebdî weke “Rêberê Kurdên Rojava” bi nav kir û got: “Bi kêfxweşî pêşwaziya Fermandar Mezlûm Ebdî; Rêberê Kurdên Rojava li Sûriyeyê dikim.”
Behsa piştgiriya Îtalyayê ji bo avakirina Sûriyeyeke demokrat nîşan da û got: “Îtalya piştgiriyê dide diyaloga berdewam ji bo Sûriyeyeke demokratîk, aram û yekgirtî, da ku mafên hemû pêkhateyên etnîkî û olî bi tevahî werin naskirin û rêzgirtin.”
