ENKSyê Li Şedadê Bi Tîma Serokatiya Hikûmeta Veguhêz Re Civîn Pêk Anî

ENKSyê îro serdana tîma serokatiya hikûmeta veguhêz li bajarê Şedadê ya parêzgeha Hesekê kir û bi nûnerên serokatiya sûriyayê re civînek pêk anîn.

Li gorî ragihandina Hesekê îro şandeyeke ENKSyê bi serkêşiya Serokê Encûmenê Mihemed Îsmaîl serdana Tîma Serokatiya Hikêmeta Veguhêz kir û ji aliyê Rêveberê Karûbarên Siyasî ya Hikûmeta veguhêz Ebas Hisên ve hatin pêşwazîkirin û civînek pêk anîn.

Di civînê de rewşa Herêmê û pêvajoya entegrebûna saziyên rêveberiya xweser û HSDyê hatin gotûbêjkirin.

Medyaya Hesekê diyar kir ku civîna herdu aliyan erênî derbas bû û bi berfirehî li ser mijara Hilbijartinên Encûmena gel a Sûriyeyê hate gotûbêjkirin û behsa para aliyên siyasî di hilbijartinan de hate kirin.

Ev serdan di demekê de ye ku komîteya yekrêziya Kurd a ku ENKS beşekî sereke ye, rêzecivînên xwe pêk tîne da ku bi yek bername derbasî hilbijartin bibe û nûnertiya Kurdan di pêşeroja sûriyayê de yekalî bike.

Piştî serdana şandeya ENKSyê şandeyek ji Rêxistina Asûriyan ku navenda wê li Hesekê ye, serdana Tîma Serokatiya Hikûmetê kir û rewşa entegrebûna rêveberiyê û mijara hilbijartinan hat gotûbêjkirin.

Îranê welatiyek bi navê Ebas Ekberî darvekir û ji bo 4 xwenîşanderên din jî cezayê darvekirinê derxist

Desthilata Dadweriyê ya Îranê ragihand ku welatiyê bi navê Ebas Ekberî bi hinceta serkêşiya xwenîşandanên Kanûna Paşîn a 2025an hatiye darvekirin. Ajansa Nûçeyan a Mîzanê ku bi ser Desthilata Dadweriyê ya Îranê ve ye, îro daxuyaniyek belav kir. Di daxuyaniyê de hat diyarkirin ku piştî derbasbûna qonaxên qanûnî û pejirandina cezayê ji aliyê Dadgeha Bilind a welêt ve, Ebas Ekberî hatiye darvekirin. Li gorî Desthilata Dadweriyê ya Îranê, Ebas Ekberî di dema xwenîşandan û aloziyên Kanûna Paşîn a 2025an de rol lîstiye. Hat îdiakirin ku wî êrişî avahiya Qeymeqamtiya Naînê ya parêzgeha Îsfehanê û çend navendên ewlehî û xizmetguzariyê kiriye. Her wiha hat ragihandin ku wî gule li hêzên ewlehiyê jî reşandine. Li gorî daxuyaniya Desthilata Dadweriyê ya Îranê, piştî ku Dadgeha Bilind a Îranê ceza pejirand, biryara darvekirinê vê sibehê hat bicihanîn. Lê belê di daxuyaniyê de behsa cihê darvekirinê nehat kirin. Biryara darvekirinê ji bo 4 kesên din Di heman demê de Ajansa Nûçeyan a Tesnîmê ya Îranê belav kir ku Dadgeha Şoreşê ya Tehranê ji bo 4 xwenîşanderên sala 2022yan biryara darvekirinê daye. Ew kes bi kuştina endamekî Besîcê yê bi navê Arman Elîwerdî yê li taxa Ekbatanê ya Tehranê tên tohmetbarkirin. Dadgeha Şoreşê ya Tehranê ji salekê heta 5 salan cezayê girtîgehê da 5 kesên din ên di heman dozê de. Ev kes bi tohmeta “kombûn û beşdariya di tawanên li dijî ewlehiya navxweyî ya welêt” û “propangandaya li dijî Komara Îslamî ya Îranê” hatin cezakirin. Dadgeha Tawanan a Tehranê berê jî ji bo van her 9 kesan cezayê darvekirinê dabû lê Dadgeha Bilind a Îranê ew biryar betal kiribû. Desthilata Dadweriyê ya Îranê 21ê Gulana 2026an ragihandibû ku Şaxa 13an a Dadgeha Tawanan a Tehranê piştî pêdaçûna dozê, cezayê darvekirinê yê 5 tohmetbaran betal kiriye û li şûna wê cezayê girtîgehê daye wan. …

Qendîlprêss

ENKSyê Li Şedadê Bi Tîma Serokatiya Hikûmeta Veguhêz Re Civîn Pêk Anî

مقالات مرتبط

تلاش دوباره

Îranê welatiyek bi navê Ebas Ekberî darvekir û ji bo 4 xwenîşanderên din jî cezayê darvekirinê derxist

Leave a Reply Cancel reply