Qendîlprêss
Li parêzgeha Urmiyeyê ya Rojhilatê Kurdistanê du kolber di bin aşûtê de man û canê xwe ji dest da.
Du kolberên Kurd ên ji bajarê Urmiyeyê bi navên Mesûm Ehmedî û Candar Ehmedî li herêma Somay Biradostê bûn qurbaniyên aşûtê.
Mesûm Ehmedî û Candar Ehmedî ku pismamê hev in, xelkê gundê Kûranê Urmiyeyê bûn.
Li gorî Rêxistina Mafên Mirovan a Hengawê, bûyerê li ser sînorê navbera Bakur û Rojhilatê Kurdistanê rû daye.
Kolberek rizgar bû
Li gorî gotina çavkaniyeke agahdar, kolberekî din jî ku bi wan her du kolberan re bûye kariye xwe rizgar bike û vegere.
Her sal bi dehan kolber ji bo debara jiyana xwe berê xwe didin çiyayên sînorî lê ji ber aşût, serma û gulebarana hêzên ewlehiyê dimirin an birîndar dibin.
