Şandeyek PE’yê serdana Daîreya Têkiliyên Derve ya li Qamişloyê kir

Şandeyek PE’yê, ji bo naskirina rewşa herêmê, projeya Rêveberiya Xweser û rola jinan di nava wê de, serdana navenda Daîreya Têkiliyên Derve ya Rêveberiya Xweser a Bakur û Rojhilatê Sûriyeyê ya li bajarê Qamişloyê kir.

Şandeyek Parlamentoya Ewropayê (PE) bi serokatiya hevserokê Koma Çepgir a Parlamentoya Ewropayê Martin Sherdowan, gerînendeyê Beşa Navneteweyî ya Saziya Rosa Luxemburg Philipp Degenhard, nûnerê DEM Partiyê li gel saziyên Ewropî yên li Strasborug’ê Fayîk Yagizay, rojnamevan û şêwirmenda Fayîk Yagizay Dr. Sara Glenn, cîgirê Martin Sherdowan Nora Frese-Windenburg, serdana Navenda Daîreya Têkiliyên Derve ya li Qamişloyê kir.

Hevseroa Daîreya Têkiliyên Derve Îlham Ehmed, cîgirên hevserokatiyê Robêl Beho û Gulistan Elî şande pêşwazî kir.