Dizîna Zeytûnên Efrîn û Şehbayê ji aliyê Çeteyan ve Didome

 Çeteyên dewleta Tirk a dagirker li Efrîna dagirkirî dizîna zeytûnan ya gelê herêmê berdewam dikin.

Rêxistina Mafên Mirovan a Efrîn–Sûriyê anî ziman ku roja 4’ê Mijdarê çeteyan berhema zeytûnan a bajaroka Bilbilê dizîne.

Rêxistinê navên wan kesan eşkere kir ku zeviyên wan ên zeytûnan hatine talankirin. Ev kes ev in:

Mistefa Ehmed Çolaq, Yehya Seydo Horo, Mistefa Ehmed Meimiş,

Mihemed Îsa Meimiş, Behrî Xelîl, Menan Qadir Seydo û Xelîl Nûrî Horo.

Di raporê de hate diyar kirin ku çeteyê bi navê “Ebû Cuma” û “Ebdulhefîz Berekat” dest danîne ser berhema hejmarek mezin ji welatiyên gundê Hesendêra.