Qendîlprêss
QSD’ê ragihand ku şaneyên çeteyên DAIŞ’ê li dijî dewriyeyeke wan li rojavayê Dêrazorê êrişek pêk anî. Di encamê de şervanekî QSD’ê şehîd bû û 2 birîndar bûn.
Hêzên Sûriya Demokratîk (QSD) bi daxuyaniyekê ragihand ku şaneyên çeteyên DAIŞ’ê li dijî dewriyeyeke wan a li bajarokê Mihêmîde yê rojavayê Dêrazorê êrişek pêk anî.
QSD’ê diyar kir ku çeteyan bi çekan êriş kir û pevçûn derket. Piştre çete vekişiyan. Di encamê de şervanekî QSD’ê şehîd bû û 2 jî birîndar bûn.
Di dawiya daxuyaniyê de QSD’ê pabendiya xwe bi domandina têkoşîna dijî terorê û parastina ewlehî û aramiya herêmê anî ziman.
