قەندیل پرێس
قەندیل پرێس، هەولێر
دژەتیرۆری کوردستان رایگەیاند، درۆنێکی بۆمبڕێژکراو ئاراستەی کەمپی ئاوارەکانی ڕۆژهەڵات کرا، بەڵام ئامانجەکەی نەپێکاوە.
دژە تیرۆری کوردستان لە ڕاگەیەنراوێکدا بڵاویکردەوە: “ئێوارەی ئەمڕۆ پێنجشەممە، کاتژمێر:7:40 خولەک، درۆنێکی بۆمبڕێژکراو ئاراستەی کەمپی ئاوارەکانی رۆژهەڵاتی کوردستان لە بناری چیای کۆڕەک لە سنووری پارێزگای هەولێر کرا”.
دژە تیرۆر دەشڵێت، “درۆنەکە ئامانجی خۆی نەپێکا و تێکشکا و کەوتە خوارەوە، هیچ زیانێکی گیانی و مادی لێ نەکەوتەوە
دوای چەندین فشار و بۆردوومانی کۆماری ئیسلامی ئێران بۆ سەر بنکە و بارەگاکانی هێزە کوردییەکانی رۆژهەلاتی کوردستان کوتا جار لە 29ـی ئاداری 2023 لە بەغدا، عێراق و ئێران کۆنووسێکی ئەمنیی هاوبەشیان بۆ هاوئاهەنگی لە پاراستنی سنووری هاوبەشی نێوانیان واژۆ کرد. لە دوای ئەو رێککەوتنە ئەمنیەوە، هەریەکە لە ئەندامانی حیزبی دیموکراتی کوردستانی ئێران، کۆمەڵەی زەحمەتکێشانی کوردستانی ئێران و کۆمەڵەی شۆڕشگێڕانی کوردستانی ئێران لە سێ کەمپدا، لە ناوچەی بالیسانی بناری چیای کۆڕەک سەر بە پارێزگای هەولێر جێگیرکران و حکومەتی هەرێمی کوردستان و ئێراق مەرجی بەکارنەهێنانی خاکی هەرێم و ئێراق بۆ هێرشکردنی سەر ئێرانیان قبوڵکرد، بەڵام بێ هەبوونی هیچ چالاکیەکی چەکداری لە لایەن هێزەکانی رۆژهەلاتی کوردستان پەنابەرەکانی رۆژهەلات لە کەمپەکاندا بە ئامانج دەگیرێن.
