Qendîlprêss
Berdevka Partiya Demokrasî û Wekheviya Gelan (DEM Partî) Ayşegul Dogan daxwaz kir ku nezelaliyên der barê pêşnûmaya “Yasaya Çarçoveyê” de zû werin rakirin û bang li serokatiya Parlamentoya Tirkiyeyê kir ku li ser vê mijarê daxuyaniyekê bide.
Dogan di derbarê nîqaşên medyayî yên li ser pêşnûmaya yasayê de got ku nêrînên cuda hene, lê hewldanên ji bo avakirina nêrîneke hevpar û gihîna lihevkirinê berdewam in. Wê ragihand ku ji bo derbasbûna vê qonaxê, pêwîst e nezelaliyên li ser çarçoveya yasayê werin zelalkirin.
Berdevka DEM Partiyê bal kişand ser giringiya damezrandina bingeheke yasayî ya bihêz û got ku lihevkirina li ser ziman, qada kar û awayê amadekirina yasayê dê roleke girîng bilîze. Li gorî wê, ev pêşnûme dikare bibe gaveke yekem ji bo jinûve ava kirina peywendiyeke dîrokî û divê li ser bingeheke qanûnî ya xurt were avakirin.
Dogan her wiha got ku saetên pêş de ji bo Tirkiyeyê yekalîker in û ragihand ku ew li bendê ne ku serokatiya parlamentoyê di derbarê xişteya demî ya pêşkêşkirina pêşnûmayê de daxuyaniya pêwîst bide. Wê anî ziman ku karên parlamentoyê heta 6ê Tebaxê hatine dirêjkirin û biryarên dê bandoreke girîng li ser pêvajoya siyasî ya li pêş bikin.
“Yasaya Çarçoveyê” yek ji mijarên herî hestyar ên siyaseta Tirkiyeyê ye ku bi pirsgirêka Kurd û hewldanên çareseriya siyasî re têkildar e. Nîqaşên li ser vê pêşnûmayê di navbera aliyên siyasî de berdewam dikin û tê payîn ku pêşveçûnên li ser vê mijarê di demên nêzîk de bandoreke mezin li ser pêvajoya siyasî ya Tirkiyeyê bikin.
