{"id":948,"date":"2024-12-02T15:08:46","date_gmt":"2024-12-02T11:38:46","guid":{"rendered":"https:\/\/qandilpress.news\/kurmanci\/?p=948"},"modified":"2024-12-02T15:08:46","modified_gmt":"2024-12-02T11:38:46","slug":"sehba-u-200-hezar-kocber","status":"publish","type":"post","link":"https:\/\/qandilpress.news\/kurmanci\/2024\/12\/02\/sehba-u-200-hezar-kocber\/","title":{"rendered":"\u015eehba \u00fb 200 hezar ko\u00e7ber"},"content":{"rendered":"

Ko\u00e7ber\u00ean li \u015eehbay\u00ea ku li ser biryara meclisa gel careke din ko\u00e7ber dibin, ev 6 sal b\u00fbn li dij\u00ee hem\u00fb \u00eari\u015f, dorp\u00ea\u00e7 \u00fb zehmetiy\u00ean jiyan\u00ea li berxwe didan, t\u00eadiko\u015fiyan.<\/p>\n

Her\u00eama \u015eehbay\u00ea ev 6 sal in di rojeva her\u00eam\u00ea \u00fb c\u00eehan\u00ea de cih digire. Dema ku dewleta Tirk a dagirker \u00fb \u00e7etey\u00ean w\u00ea sala 2018\u2019an Efr\u00een dagir kir, bi sed hezaran xwecih\u00ean bajar \u00fb derdora w\u00ea ne\u00e7ar man ku ko\u00e7ber bibin. Be\u015fek ji ko\u00e7beran li Heleb\u00ea bi cih b\u00fbn, l\u00ea piraniya wan derbas\u00ee her\u00eama \u015eehba b\u00fbn.<\/p>\n

Z\u00eadetir\u00ee 200 hezar ko\u00e7ber, li her\u00eameke ku 3 aliy\u00ean w\u00ea ji aliy\u00ea \u00e7eteyan ve, aliyek w\u00ea j\u00ee, ji aliy\u00ea hik\u00fbmeta \u015eam\u00ea ve hatiye girtin, h\u00eam t\u00eako\u015f\u00eena jiyan\u00ea me\u015fand, hem j\u00ee, dij\u00ee \u00eari\u015f\u00ean \u00e7etey\u00ean dagirker, li ber xwe dan.<\/p>\n

\u00caRI\u015e\u00caN DAW\u00ce<\/strong><\/p>\n

Dema ku \u00e7etey\u00ean HT\u015e`\u00ea (Cebhet El-N\u00fbsra ya ber\u00ea) \u00fb \u00e7etey\u00ean gir\u00eaday\u00ee dewleta Tirk a dagirker di \u00eavara 26`\u00ea Mijdar\u00ea (2024) de \u00eari\u015f\u00ee Heleb \u00fb Idlib\u00ea kirin, \u015eehba v\u00ea car\u00ea ji hem\u00fb aliyan ve bi temam\u00ee hat dorp\u00ea\u00e7kirin. \u00c7etey\u00ean dewleta Tirk li dij\u00ee her\u00eama Til Rifat \u00fb \u015eehbay\u00ea di 2\u2019y\u00ea Kan\u00fbn\u00ea (2024) de \u00eari\u015f\u00ean xwe berfirehtir kirin.<\/p>\n

H\u00eaz\u00ean Rizgariya Efr\u00een\u00ea (HRE) ku 6 sal in her\u00eam\u00ea dipar\u00eazin, li hember\u00ee \u00eari\u015f\u00ean ji \u00e7ar aliyan ve t\u00ean kirin, berxwedanek mezin n\u00ee\u015fan da \u00fb h\u00een j\u00ee v\u00ea berxwedana xwe didom\u00eenin. Ko\u00e7ber\u00ean li kampan dij\u00ee, heta k\u00ealiya dawiy\u00ea j\u00ee dipar\u00eazin.<\/p>\n

EWLEKARIYA GEL \u00db BIRYARA MECLIS\u00ca<\/strong><\/p>\n

Li aliy\u00ea Meclisa Gel a Efr\u00een \u00fb \u015eehbay\u00ea \u00eero (2 Kan\u00fbn 2024) daxuyaniyek da \u00fb ev peyam da; \u201cH\u00eaz\u00ean Rizgariya Efr\u00een\u00ea ji bo parastina me berxwedanek b\u00eahempa n\u00ee\u015fan da. Ji bo ku gel\u00ea me rast\u00ee komkujiyan ney\u00ea, ji bo ku kes\u00ean b\u00eaguneh ney\u00ean qetilkirin, me biryar da ku ji her\u00eama ku ji aliy\u00ea \u00e7etey\u00ean dewleta Tirk a dagirker ve hatiye dorp\u00ea\u00e7kirin derkevin. Em teqez dikin ku derketina me ya ji her\u00eama \u015eehbay\u00ea nay\u00ea wateya ku me dest ji berxwedana xwe ya rizgarkirina Efr\u00een\u00ea berdaye; l\u00ea bel\u00ea me di sal\u00ean daw\u00een de tevah\u00ee merc\u00ean zehmet di kampan de tehmul kir \u00fb ji niha \u00fb \u015f\u00fbde w\u00ea t\u00eako\u015f\u00eena me bi awayek\u00ee xurttir bidome. Em d\u00ea ji bo rizgarkirina xaka xwe \u00fb war\u00ea ji dagirkeran hem\u00fb hewldanan bikin.\u201d<\/p>\n

Pi\u015ft\u00ee daxuyaniya meclis\u00ea, ko\u00e7ber\u00ean her\u00eam\u00ea kom bi kom dest bi derketina ji her\u00eam\u00ea kir.<\/p>\n

P\u00caN\u00c7 KAMP, 200 HEZAR KO\u00c7BER<\/strong><\/p>\n

Di 2018`an de art\u00ea\u015fa dewleta Tirk \u00fb \u00e7etey\u00ean gir\u00eaday\u00ee w\u00ea 58 rojan bi balafir\u00ean \u015fer \u00fb hem\u00fb cure \u00e7ek\u00ean qedexekir\u00ee, er\u00ee\u015f\u00ee Efr\u00een\u00ea kirin \u00fb di dawiy\u00ea de her\u00eam hat dagirkirin.<\/p>\n

Bi sed hezaran welatiy\u00ean Efr\u00een\u00ea ne\u00e7ar man ko\u00e7ber bibin \u00fb li \u015eehbay\u00ea bic\u00eeh b\u00fbn. Hin ko\u00e7ber\u00ean din j\u00ee li bajarok\u00ean Til Rifat, Ehras, Ehdas, Faf\u00een \u00fb 40 gund\u00ean gir\u00eaday\u00ee \u015eehpay\u00ea bic\u00eeh b\u00fbn.<\/p>\n

Ji bo hezar ko\u00e7beran li her\u00eama \u015eehbay\u00ea her wiha 5 kamp\u00ean bi nav\u00ea Serd\u00fbm, Berxwedan, Efr\u00een, El-Ewda \u00fb \u015eehba bi cih b\u00fbn.<\/p>\n

Li gor\u00ee daney\u00ean her\u00ee daw\u00ee, li p\u00eanc kampan 8 hezar \u00fb 94 ko\u00e7ber dij\u00een.<\/p>\n

Hejmara ko\u00e7ber\u00ean li kampan:<\/p>\n

Kampa Berxwedan: 702 malbat bi gi\u015fti 2 hezar \u00fb 772 kes<\/p>\n

Kampa Serdem: 904 malbat, bi gi\u015ft\u00ee 3 hezar \u00fb 774 kes<\/p>\n

Kampa Efr\u00een: 122 malbat, bi gi\u015ft\u00ee 498 kes.<\/p>\n

Kampa El-Ud: 145 malbat bi gi\u015ft\u00ee 584 kes.<\/p>\n

Kampa El-\u015eehba: 104 malbat bi gi\u015ft\u00ee 466 kes.<\/p>\n

PERWERDE \u00db XIZMET<\/p>\n

Li kampa Berxwedan navenda Heyva Sor, bazar, pirt\u00fbkxane \u00fb dibistan heb\u00fbn ku ji bo xwendekar\u00ean dibistan\u00ean seretay\u00ee, nav\u00een \u00fb amadey\u00ee perwerde dihat day\u00een. Zarok\u00ean li kamp\u00ea dij\u00een, tev\u00ee zarok\u00ean ji her\u00eam \u00fb gund\u00ean derdor\u00ea, xwe li van dibistanan tomar dikirin. Di kampa Serdem\u00ea de navenda Heyva Sor, pirt\u00fbkxane, bazar \u00fb dibistaneke taybet a xwendekar\u00ean dibistana seretay\u00ee heb\u00fbn.<\/p>\n

DORP\u00ca\u00c7 \u00db \u00caRI\u015e<\/strong><\/p>\n

Ko\u00e7beran di \u015fert\u00ean zehmet de jiyanek ava kir, l\u00ea Hik\u00fbmeta \u015eam\u00ea j\u00ee dorp\u00ea\u00e7 wek\u00ee \u00e7ekek\u00ea li dij\u00ee gel bikar an\u00ee; li ser ko\u00e7beran mazot, av, derman, p\u00eadiviy\u00ean jiyan\u00ee q\u00fbt dikirin. Ji ber dorp\u00ea\u00e7\u00ea gelek zarok \u00fb kes\u00ean temen mezin jiyana xwe jidest dan.<\/p>\n

Art\u00ea\u015fa dewleta Tirk \u00fb \u00e7etey\u00ean gir\u00eaday\u00ee w\u00ea j\u00ee bi \u00eari\u015f\u00ean balafir\u00ean ke\u015ff\u00ea y\u00ean bi\u00e7ek \u00fb \u00e7ek\u00ean giran komkuj\u00ee p\u00eak an\u00een.<\/p>\n

Yek Ji komkujiyan d\u00eesa di roja 2\u2019y\u00ea Kan\u00fbn 2019\u2019an de li Til Rifat\u00ea p\u00eak hat. Di \u00eari\u015fa dewleta Tirk a dagirker de 8 j\u00ea zarok, 10 kes \u015feh\u00eed b\u00fbn \u00fb 8 j\u00ea zarok, 12 kes j\u00ee bir\u00eendar b\u00fbn.<\/p>\n

\u00cari\u015f\u00ean \u00e7etey\u00ean dewleta Tirk \u00ean li ser her\u00eam\u00ea h\u00een j\u00ee didomin.<\/p>\n

 <\/p>\n