قەندیل پرێس
ژینا مودەرس گورجی، ڕۆژنامەنووس و چالاکی مافی ژنانی کورد و یەکێک لە گیراوانی بزووتنەوەی “ژن ژیان ئازادی”، ڕۆژی دووشەممە ٣١ی خەرمانانی ١٤٠٤، پاش تێپەڕاندنی حوکمەکەی لە بەندیخانەی ناوەندیی سنە ئازاد کرا.
ناوبراو سەرەتا لەلایەن دادگای ئینقلابی سنەوە حوکمی ٢١ ساڵ زیندان و دوورخستنەوەی بەسەردا سەپێندرابوو، بەڵام ئەم حوکمە دوای تانەدان بۆ ٢٨ مانگ کەمکرایەوە كە بە هەژماركردنی ماوەی دەستبەسەركرانی پێشووی ١٦ مانگی جێبەجێ كرا.
ئەو تۆمەتانەی کە ئاراستەی ناوبراو کرابوون بریتی بوون لە “پێکهێنانی گرووپی نایاسایی”، “پڕوپاگەندە دژی ڕێژیم” و “بەشداریکردن لە گردبوونەوەکان”.
