قەندیل پرێس
هێزەکانی ئاسایشی گەڕەکەکانی شێخ مەقسوود و ئەشرەفیە ڕایانگەیاند، کە لە خاڵێکی پشکنینی هاوبەش ڕووبەڕووی هێرشێکی هێزەکانی حکوومەتی ڕاگوزەری دیمەشق بوونەتەوە و لە ئەنجامدا دوو ئەندامیان بریندار بوون.
هێزەکانی ئاسایشی گەڕەکەکانی شێخ مەقسوود و ئەشرەفیە لە ڕاگەیەندراوێکدا ئاماژەیان بەوەکرد، کە گروپەکانی سەر بە وەزارەتی بەرگریی حکومەتی کاتیی سووریا، لە چوارڕیانی شێحان لە شاری حەلەب، هێرشیان کردووەتە سەر خاڵێکی پشکنینی هاوبەشی نێوان هێزەکانی ئاسایش و هێزەکانی حکومەتی کاتی.
بەپێی ڕاگەیەندراوەکە، لەو هێرشەدا دوو ئەندامی هێزەکانی ئاسایش بریندار بوون.
