قەندیل پرێس
ئەندامی کۆمیتەی بەڕێوەبەری پەکەکە ڕایگەیاند، بۆئەوەی بڕیاری کۆتاییهێنانی تێکۆشانی چەکداری پراکتیزە بکرێت، دەبێت دەوڵەتی تورک دەستبەجێ گۆڕانکاری یاسایی بکات.
کۆنگرەی ١٢ـەمینی پەکەکە لە ڕۆژانی ٥-٧ـی ئایار لە هەرێمەکانی پاراستنی مەدیا ئەنجام درا و موراد قەرەیلان، ئەندامی کۆمیتەی بەڕێوەبەری پەکەکە هەڵسەنگاندنی خۆی لە کۆنگرەکەدا خستەڕوو:
بانگەوازەکەی ڕێبەر ئاپۆ لە ٢٧ـی شووبات بانگەوازێکی مێژووییە و بانگەوازێکە بۆ پەرەپێدانی سەردەمێکی نوێ و هەڵوەشاندنەوەی سۆسیالیزمی دەوڵەت نەتەوەیە، پەرەپێدانی سۆسیالیزمی نەتەوەی دیموکراتیکە. بانگەوازەکە هەنگاوێکی دیموکراتیکی سۆسیالیزم، کۆنفیدرالیزمی دیموکراتیکی مەزنە، دەبێت بانگەوازەکەی ڕێبەر ئاپۆ بەمجۆرە هەڵسەنگێنین و ئەمە دەستپێکێکی نوێیە.
هەروەها ڕاشیگەیاندووە: لە تێکۆشاندا ئاشکرا بوو، کە ڕێبەر ئاپۆ لە کاتی خۆییدا هەر شتێکی ووتبێ ڕاستە، بە جێیە، پشتڕاستکراوەتەوە و ئێستاش هەر بەم شێوەیەیە. ڕێبەر ئاپۆ وەک ڕێبەرێکی مێژوویی شتگەلێک دەڵێت، دەبێت مرۆڤ بزانێت، کە سنوورەکان تێدەپەڕێنێت. جیاوازییەکە دەبینێت، لەسەر ئەوانە هەڵوێستە دەکات و هەنگاو دەنێت.
باسی لەوەشكردووە: دەبێت ببینین ئەم بانگەوازە و ئەم قۆناغە بۆ سەردەمێکی نوێیە، ئەم بانگەوازە نەک تەنها بۆ کوردستان بۆ تەواوی کوردستان بۆ تەواوی مرۆڤایەتی ڕۆڵێکی گرنگ و مێژوویی هەیە و ئیدی سنوورەکانی کوردستان تێدەپەڕێنێت.
قەرەیلان ڕایگەیاند: دەبێت لە زیهنیەتی دەوڵەتدا گۆڕانکاری درووست ببێت. ئەم زیهنییەتی ڕەتکردنەوە و لە ناوبردنە نەگۆڕێت ئاشتیی ناوخۆیی لەسەر چ بنەمایەک بە دی دێت؟ ئەو کەسانەی دەڵێن: ئاشتیی ناوخۆیی درووست بکەین پێش هەموو شتێک پێویستە ئەم زیهنییەتی نکۆڵیکردنی لە ناوبردنە بگۆڕێت و تێیپەڕێنێت.
لە كۆتاییدا وتویەتی: بەڕاستی ئاشتییەکی ناوخۆیی درووست دەبێت، یاساکانیش هەموویان دووژمنانەن، یاساکانی ئێستا زۆربەیان بوونی گەلی کورد ڕەتدەکەنەوە. هەربۆیە تەنها لە چوارچێوەی گۆڕانکارییەکانی لایەنی دەوڵەت، لەسەر ئاستی یاسایی و دادپەروەرییدا، ئەم تەڤگەر دەتوانێت چەکدانان جێبەجێ بکات. ئەگەر نا ئەمە زۆر سەخت دەبێت.
