قەندیل پرێس
سەرۆکی رۆحی دروزەکانی سوریا ڕایدەگەیەنێت، لە بڕیاردران بۆ مافی چارەی خۆنوسین پاشگەزنابنەوە و سورن لەسەر سەربەخۆیی پارێزگای سوەیدا.
حیکمەت هیجری، سەرۆکی رۆحی دروزەکانی سوەیدا لەچاوپێکەوتنێکی میدیاییدا ئاماژەی بەوەکرد، تاکو ئێستا دۆخی سوەیدا ناجێگیرە و سەرباری دەستپێشخەرییە نێودەوڵەتییەکانی وەک ئەمریکا و ئوردن، هێشتا لەگەڵ حکومەتی دیمەشق نەگەیشتون بەڕێککەوتنێک کە بەدڵی هەردولابێت.
هاوکات، سەرۆکی رۆحی دروزەکانی سوەیدا داوای لە کۆمەڵگەی نێودەوڵەتی کرد دان بە کۆمەڵکوژی سوەیدا بنێت و هەموو راستییەکان بۆ رای گشتی ئاشکرابکرێت.
ئەوەشیخستەڕوو، ژمارەی ئەو کەسانەی لەسوەیدا رفێنراون 600 کەسی تێپەڕاندوە کە لەناویاندا ژنیش هەن، حکومەتی دیمەشقیش رەتیدەکاتەوە هیچ دانوستانێک لەبارەی چارەنوسی ئەو کەسانەوە بکات.
