قەندیل پرێس
نرخی تمەن لە بازاڕەکان
بەهۆی دابەزینی بەردەوامی دراوەکە، لە بازاڕەکانی تاران 100 دۆلار بە حەواڵە گەیشتووەتە 14 ملیۆن تمەن. لە هەرێمی کوردستانیش نرخەکان بەم شێوەیەن:
100 دۆلار (حەواڵە): 13 ملیۆن و 700 هەزار تمەن.
100 دۆلار (کاش): 13 ملیۆن تمەن.
100 هەزار تمەن: 1,100 دیناری عێراقی.
لەدەستدانی نیوەی بەهاکەی
بەراورد بە سەرەتای ساڵی 2025، تمەن 45%ـی بەهاکەی لەدەستداوە. لە سەرەتای ساڵدا 100 دۆلار بە حەوت ملیۆن و 500 هەزار تمەن بوو، بەڵام ئێستا شەش ملیۆن و 200 هەزار تمەن چووەتە سەر نرخەکەی.
هۆکاری دابەزینەکە (سناپ باک)
هۆکاری سەرەکیی ئەم داڕمانە بۆ کاراکردنی سزاکانی “سناپ باک” دەگەڕێتەوە؛ کە لە 28ـی ئەیلوولەوە لەلایەن فەڕەنسا، بەریتانیا و ئەڵمانیاوە سزاکانی پێش ساڵی 2015ـی ئەنجوومەنی ئاسایش بەسەر ئێراندا سەپێنرانەوە.
