قەندیل پرێس
گرووپە چەکدارەکانی حکومەتی ڕاگوزەری سووریا بیناکانی دەوروبەری گەڕەکە کوردییەکانی شێخ مەقسوود و ئەشرەفییەی شاری حەلەبیان کردۆتە ناوەندی سەربازی.
گرووپە چەکدارەکانی حکومەتی ڕاگوزەری سووریا ژمارەیەک لە باڵە خانە مەدەنیەکانی گەڕەکی شێخ مەقسوود و ئەشرەفییەیان کردووە بە ناوەندی سەربازی و بە تەواوەتی نەخۆشخانەی پسپۆڕی سووری-فەرەنسی، قوتابخانەی ئەلکەلمە، قوتابخانەی عەبدول لەتیف نەعناع، قوتابخانەی نزال زویا، نەخۆشخانەی ئەستۆریان، مزگەوتی ئیبراهیم ئیبن ئەل ئەدهەم، بینای بەشی بەڕێوەبەرایەتی کشتوکاڵی حەلەب، مزگەوتی ئەلسەعید کراونەتە ناوەندی سەربازی.
جگە لەوەش دەیان دوکان و شوێنکاری هاووڵاتیان لە دەوروبەری ئەم دوو گەڕەکە کراوەتە ناوەندی سەربازی و چەک لە سەربانەکانیان جێگیرکروان. سەرچاوه ئاگادارەکان ڕایانگەیاندووە که گرووپه چەکدارەکان هاووڵاتییانی دانیشتووی گەڕەکی سریان، ناچار کردووه ماڵه کانیان چۆڵ بکەن و ماڵەکانیان کردووتە بنکەی سەربازی.
لە هەمان کاتدا گرووپە سەربازییەکانی حکومەتی کاتی سووریا لە دەوروبەری هەر دوو گەڕەکە جێگیرکراون. گرووپە چەکدارەکان بە ئامانجی تاڵانکردن داوایان لە هاووڵاتییان کردووە ماڵەکانیان بەجێبهێڵن و فڕۆکەی بێفڕۆکەوانیش بە ئاسمانی گەڕەکەکاند دەسوڕێنەوە.
